港劇《愛我請留言》｜第四集：東京之旅一早比一世遙遠 - 黃浩然及黃翠如 領銜主演
經典對白 x 分集劇情
港劇《愛我請留言》
黃浩然及黃翠如 領銜主演
 |
| 《愛我請留言》截圖 |
第四集：
東京之旅一早比一世遙遠
# 劇集列表
＃第四集
上集講到，初見（黃翠如 飾）帶同009一起去找張日熙。跟初見說過「晚安」後，明明應該在床上睡覺的張日熙（洪永城 飾），卻開心地出去踏單車，令初見大感失望。原來他自己一個人才是最快樂。
—— 區瑞強《陌上歸人》
坐的士回家的初見，撫摸著那本與張日熙一起買的2013年日本通，不禁想起這4年一直失約的東京之旅。
 |
| 《愛我請留言》截圖 |
2009年 —— 剛剛辭職的初見，打算在找到新工作前去一趟旅行，卻因為跟張日熙才剛一起兩個月，在他的花言巧語下決定取消了這次東京之旅。
2010年 —— 張日熙不喜歡現在的工作，已經辭職。初見無奈下，只好決定待他找到一份很喜歡的工作才去日本。
—— 張日熙《愛我請留言》
2011年 —— 終於把債務還完的兩人，卻遇上日本大地震，沒辦法去。
2012年 —— 張日熙跟朋友合夥開新公司。
回想起過往的日子的初見，不禁傷心起來，開始懷疑他們之間的感情。
----------------------- ✂ ---------------------------
悠悠（楊鎧凝 飾）的手工藝功課需要紥燈籠，天送（黃浩然 飾）便到文具店買玻璃紙。看到了藍色的玻璃紙，想到了一些往事⋯⋯
曾經是玻璃藝術家的天送，在Hong Kong Arts Exhibition中，展示了一件自己的藍色玻璃藝術品。希望看到這件展品的人，不會覺得藍色只能表達悲傷的感覺，反而覺得它好像一顆糖、很甜。參加展覽的蔡妍看過這件展品後也有著相同的想法，就這樣，他們相識了。
 |
| 《愛我請留言》截圖 |
回到家中，便和悠悠一起做燈籠了。悠悠在HAPPY上寫了三個「P」，因為之前悠悠寫錯HAPPY的只有一個「P」，朱古力姐姐（＝初見）便告訴悠悠一個人會不開心，要有兩個人一個陪著另一個才會開心，所以HAPPY有兩個「P」。然而，在悠悠的世界裡，要有波鞋爸爸、醫生媽媽（姚子羚 飾）和自己才是開心，所以悠悠的HAPPY便出現了三個「P」。
期間在討論要用什麼顏色的玻璃紙的時候，因為不知道朱古力姐姐（＝初見）喜歡什麼顏色，所以波鞋爸爸幫悠悠打給Mamayu。可惜，Mamayu（陳秀珠 飾）的蝴蝶電話只可以用來講⋯⋯就把朱古力姐姐的電話號碼給了悠悠。
不知道Mamayu的蝴蝶電話背後又是一個怎樣的故事呢？
----------------------- ✂ ---------------------------
在盛宴有一個傳說：
有一名普通員工叫「山雞」，有一天在盛宴吃飯時，不小心吃錯了旁邊的芥蘭，就這樣結識了中環謝霆鋒那個CEO，現在在不丹結婚、做王紀
自此有很多在附近上班的女生都會來這邊吃當時「山雞」吃的東西，希望成為下一個「鳳凰」。
人人都有追求幸福的權利
—— 宋柳娟《愛我請留言》
當時「山雞」吃的東西，就變成了現在的盛宴的傳說套餐：$45 手打魚蛋粉、$25 冰鎮奶茶、$28 魚湯芥蘭
想成為「王妃」的皎妃（傅嘉莉 飾）亦有去碰碰運氣，卻遇到Natasha（梁嘉琪 飾，Sa姐）和嘉嘉（陳婉婷 飾，巧克力店的店鋪職員）。皎妃和Sa姐單單打打、針鋒相對，更誤食了皎妃的芥蘭。
 |
| 《愛我請留言》截圖 |
Sa姐：「喂，真係好多人同你爭喎」
嘉嘉：「Sa姐啊，點解你突然間對我咁好既，你係咪想調走我啦？」
Sa姐：「我唔係對你好，我係想治果啲妹姐⋯⋯
（拎轉頭見到皎妃在搽唇膏）
真係唔好以為搽紅個嘴，搞到自己姣令令咁，
嗌碟芥蘭就可以山雞變鳳凰先得架」
皎妃：「每個人都有追求幸福的權利」
嘉嘉：「Sa姐，佢講左你果句金句喎」
侍應：「芥蘭。（放低左碟芥蘭）」
Sa姐：「（拿起筷子食芥蘭）」
嘉嘉：「Sa姐，我地未嗌野食嫁」
Sa姐：「哈哈，食左你條菜添」
皎妃：「唔緊要啦，Sa姐，你趕啲，你食先啦，
我地啲妹啊，大把時間嫁，食啦食啦⋯⋯」
----------------------- ✂ ---------------------------
初見在公司加班，打算開始計劃2013年的東京之旅的時候，收到了張日熙發來的訊息，問星期六他們倆有沒有什麼約定，初見約他陪Jack（周驄 飾）、Rose（羅蘭 飾）、Mamayu一起吃日本放題，並問他什麼時間放假，怕沒有了凌晨機位，可惜，張日熙對什麼事都不上心，敷衍了幾句便結束對話。
初見回到家，發現Mamayu開火熱湯時，不小心在沙發看著電視睡著了。如果初見沒有及時回家，後果不堪設想。在冰箱上，初見發現了一張尋狗啓示，想起在四年級的時候也曾經有養過一隻小狗叫「Tony仔」，可惜因為Mamayu覺得牠變得太大隻了，所以就把牠放走了。之後，再想養小狗的初見也被爸爸拒絕。
 |
| 《愛我請留言》截圖 |
—— 初見老豆《愛我請留言》
在2009年的某一天，初見和張日熙路過寵物店，一同買了一隻小狗 —— 009，而009之所以叫009是因為在2009那一年初見失去了的士爸爸，但就遇到了009，由那個時候開始009就一直陪著初見。
到了吃日本放題的那一天，張日熙並沒有出現。
 |
| 《愛我請留言》截圖 |
Mamayu：「帶子好新鮮喎（打算挾帶子黎食）」
Rose：「咪住，等等先等等先⋯⋯」
初見：「哎呀，唔洗等啦，放題黎嫁嘛，
佢黎到再食，食啦食啦⋯⋯」
Rose：「唔係等你個大細路啊，係等啊Jack果部電話食先」
初見：「影完未啊，公公」
Rose：「影靚啲啊，我要擺上facebook嫁」
Jack：「你仲洗講既，你咁多張靚相都係我同你影嫁」
Mamayu：「快啲啦，快啲啦，電話食完到人食啊。
喂也，菇小姐啊，你依加同個人拍拖定係同部電話拍拖啊？
啊，你幾耐冇見過大細路喱個真人呢下？
有幾耐冇聽佢把聲啊下？」
初見：「咁佢忙也嘛」
Mamayu：「忙？睇下有冇心嫁姐，真係忙成咁，
喂，咁到時你咪帶部電話去日本同佢⋯⋯」
初見：「媽啊⋯⋯」
Jack：「忙好啊，男人啊一定要有一番作為嫁嘛，
不過，千祈就唔好果個『忘』也可」
Rose：「你講咩姐？究竟忙啊定抑或唔忙啊？」
Jack：「我講頭一個忙，姐係忙碌個忙。
第二個忘呢，姐係唔好忘記果個忘啊」
Rose：「我明白了，原來你係到讚自己。
我至叻啊，我知也，你果陣時行船也嘛，好忙也嘛，
忙到兩個月都冇寫信番黎比我，咪我寫比你囉」
Jack：「係也」
Rose：「我就睇下你有冇忘記我，果個忘」
Jack：「緊係冇啦，我去到天涯海角啊，我都忘不了你嫁」
到吃完自助餐，張日熙都沒有出現，打算訊息他的初見發現張日熙換了whatsapp的profile picture做那天晚上他自己一個人去踏單車的自拍⋯⋯初見心想張日熙是太忙了才沒空來吃自助餐，飯後，她就去了張日熙家等他，等了又等⋯⋯等了又等⋯⋯在漫長的等待後，終於，在初見洗完澡後，發現張日熙已經回家了，還在床上呼呼大睡了⋯⋯
初見忍不住偷看張日熙的手機，發現他今天沒有來吃自助餐，並不是因為工作上的「忙」，而是跟Linda（趙希洛 飾）「忙」著一起玩、一起BBQ⋯⋯甚至是東京之旅，張日熙似乎也比較想跟Linda一起去⋯⋯
 |
| 《愛我請留言》截圖 |
Linda：「日本豚肉，每磅$198，本地豬扒，每磅$38。
日本？定香港？」
張日熙：「梗係買平GA LA，你地D女仔個個都係賣國賊黎GE，
成日都掛住日本」
Linda：「係GA，我好鬼鍾意去東京GA」
張日熙：「去LA去LA，你去食豚肉，我去睇高達」
看了這些對話的初見，感到傷心又失望⋯⋯把張日熙拍醒，似乎已經為兩個人的關係做了決定⋯⋯
 |
| 《愛我請留言》截圖 |
初見：「聖誕冇曬機位啦，冇曬凌晨機位，去唔到啦」
張日熙：「咁咪下年先去囉⋯⋯黎左好耐啊？
Sorry啊，今日多野做到癲，做完野之後又去食飯又去飲野」
初見：「不如以後都唔好去lor」
張日熙：「你唔好咁啦，最多下次陪番Jack食野啦，
我今日真係好攰，公司真係好多野做，
去東京既野第日先講得唔得啊？」
初見：「你今日好攰唔係做野，係去燒野食⋯⋯
我睇左你個電話，睇左好耐嫁啦」
張日熙：「唉，我唔想同你嘈啊，唔想同你嗌交啊」
初見：「我都唔想咁，我都好憎我自己，
但我真係信你唔到啦」
張日熙：「喂，我做錯左啲咩野啊？
我驚你嘈我唔陪你，所以先呃你之嘛」
初見：「唔係淨係今日啊，算啦，我唔想嗌交，
唔想你覺得我煩，唔想你話我亂諗嘢，
所以我一直嘜都唔想講⋯⋯
好耐嫁啦，
我feel到好耐嫁啦，都唔知幾時開始我覺得，
我地好遠，明明你係我隔離，我應該覺得好近，
但我都覺得好遠⋯⋯
係咪悶啦？係咪唔夠鍾意？
你話嫁嘛，
好似做野咁，夠鍾意既話咩都得既⋯⋯」
兩個人的「東京之旅一早比一世遙遠」⋯⋯
 |
| 《愛我請留言》截圖 |
—— 陳奕迅 《富士山下》
----------------------- ✂ ---------------------------
 |
| 《愛我請留言》截圖 |
留言
發佈留言